welcome

Top

大學生的課餘時間都在做什麼呢? —— 五個你不會後悔加入的運動隊!

大學生嘅時間表一般比較有彈性,點樣安排課餘時間唔再係由家長主導,所以好多大學生都會喺課餘時間參加唔同嘅活動。大學生課餘時間最常做既事情除左實習、返Part-time、上莊同拍拖,其中一個不可或缺既活動就係參加大學既校隊啦!

 

參加大學校隊唔單止可以俾你認識更多來自唔同科目同背景既朋友,係訓練同比賽既過程中,你地都會建立到一段真摯既友情。同一時間,參加大學校隊都可以令你既經歷更多元,申請獎學金既時候都多啲野寫啦!最正既係,參與校隊之後,你會獲得唔少機會代表大學參與外國賽事或者集訓,而且大部分費用都係由大學補貼架!可以代表大學同其他知名大學一決高下,感覺真係好熱血架!小編就曾經代表自己大學,同過哈佛、劍橋、牛津大學等Top-tier既大學同場競技。

 

事不宜遲,小編今日就同大家介紹下五個好Champ好型好好玩嘅大學運動隊俾大家睇下啦:

籃球隊

大專籃球比賽永遠都充滿亮點!因為當中既球員唔少都係來自學界精英班底,意味住各個球員 由中學鬥到大學架!但係大專籃球同中學籃球比賽唔同既係,中學比賽只需要幾個主力就可以帶動全隊,但係大專籃球比賽就要講求團隊合作。整個團隊互相配合,令每個球員既強項都得到發揮,減少失誤,先係大專籃球獲勝既關鍵!想緊貼呢班中學菁英這些年既成長旅程,就記得追蹤各大專隊嘅社交媒體啦!

 

賽艇隊

賽艇源自英國,係一項傳統貴族運動,因為通常只有中上流的家庭才負擔得起呢。霍金也曾是牛津大學賽艇隊的一員!好多人以為賽艇係龍舟或者獨木舟˙,其實佢哋並唔係同一樣運動!賽艇係需要兩支槳輔助的,而且隊內亦唔會有「明星隊員」,因為每一位隊員都一樣重要,亦有唔同角色。大專賽艇界最矚目的賽事除了成龍盃,辨識仿效劍橋牛津賽艇賽所舉辦的兩大賽艇賽,港大中大兩隊每年都在城門河決一勝負。

 

欖球隊

講起欖球,唔少人都會諗起著名既Ruby Sevens同埋肌肉健碩嘅欖球員。喺欖球總會同各大專院校嘅努力推動下,呢項運動一啲都唔難接觸!各大專院校都設有欖球隊,男仔女仔都可以參與其中。只要你有一顆熱愛欖球嘅心,即使係新手都不妨一試!

 

排球隊

排球隊嘅門檻就比較高。一來,因為排球賽嘅賽季較長,比較難有空餘時間訓練新手。二來,有唔少排球港隊成為大專校隊,令到賽事嘅水平大大提升。雖然未必每一位都能夠參與在內,但每一年由11月到翌年三月嘅大專賽必定可以為大家帶嚟一場視覺盛宴呀。

 

水球隊

水球係香港未算十分普及,但係歐美地區就非常盛行。三角褲係男球員嘅標準穿着,女子選手就通常着連身泳衣。水球都被戲稱為最殘暴嘅水上運動,比賽嘅時候球員互扯泳衣嘅行為好普遍。如果你鍾意刺激嘅球賽,入大學之後不妨考慮加入水球隊呢!

 

Post a Comment